Re: what does “Khulaa Khat” [open letter] mean?
**ohhhhh achchhaa…sorry…ab samjhaa! 
vaise, maiN beemah [insurance] kii baat nahiiN kar rahaa thaa. India meN do taraH se maazii-e-qareeb meN paise bheje jaate the..ek to money order jo k ek form kii soorat meN hotaa thaa magar jo gaaoN aur qasboN ke chhoTe Daak-KhaanoN meN sarkaarii KhazaanoN meN paise kam huaa karte the is liye bande ko 2-2 aur 3-3 din intizaar karnaa paRtaa thaa lihaaza aksar log dusra tareeqa iste’maal karte the jo yeh thaa k naqdii [CASH] ek Khaas qism ke lifaafe meN rakh kar use seal ba mohr kar diyaa jaataa thaa aur use ba-zari’ya Daak ravaanah kiyaa jaataa aur vo Khat kii taraH pahoNchtaa…is taraH naqdii baGhair kisii taaKheer ke pahoNch jaataa…mujhe yaad hai k maiN aksar bachpane meN Daakiye ko yeh kahte suntaa thaa k likho:
maiN, Akbar Ali, saakin mauza’a o Daak-Khaana Shikaarpur, taHsil Jhumrii Talaiya, zil’a Pharsa KheRaa ne mubliGh 300 rupaiye kaa BEEMAH seal ba mohr durust vasool payaa…ba-qalam-e-Khud 
**
maiN inshaa Allah do ek ghanTe meN saHeeH jawaab se aap sabko aagaah kartaa huN