Ik bari dargah thi aur halki halki chandni
Muskurahat jese peelay admi ki naash ki
Chaltay chaltay main ne koi sar-sarahat si suni
Hole hole pas atti aik Aahat se suni
Door tak kuch nhi na tha moubad ke saye ke siwa
Meri apni chaap hi se mera dil darnay laga
Khof se ghabra ke main ne aik thandi sans li
Uff khuda yea sans bhi jese qayamat ban gai
Dair tak jese safar karti hai gunbad ki sada
Tha asar aysa hi kuch meri bhi ah-e-sard ka
Sehen sara sehmi sehmi ah-haton se bhar gaya
Bardh raha ho chupp ke jese dushmanon ka qafila
“kon hai?”
'Kon hai?" main ik ajab mojoodgi se dar gaya
Jese koi tha wahan par phir bhi wo rooposh tha
Kon hai…? kon hai…? kon hai…?
Youn jawab atta raha jese koi bay chain hai…
''Kya yahan koi nahi hai"
Main ne phir dar kar kaha
“Koi hai…koi nahi hai”
“Koi hai…koi nahi hai”