***waqt ke kitne he rangon se guzarna hai abhi
zindagi hai to kayee tarah se marna hai abhi
kat gaya din ka dehakta hua sehra abhi to kiya
raat ke gehray samandar mein utarna hai abhi
zihn ke rezay to phehlay hain fiza mein hersoo
jisim ko toot ke her gaam mein bikharna hai abhi
kon hai jis ke liye ab bhi dharakta hai yeh dil
kisko iss ujhray jazeeray mein theharna hai abhi
aik ik rang urraa le gaye yeh be muher hawa
kitnay khaake hain jinhain bharna hai abhi***