Wafa ke naam pe mitnay ki ab baatain nahee hoteen
Jo dil ko moh laiti theen, woh zaatain ab nahee hoteen
Chali yeh kaun si baad-e-mukhalif kya huwa ab ke
Jinhain hum rat jagay kehtay hain ab raatain nahee hoteen
Na jazba hai na dil apna na ehsaas-e-murawwat hai
Jo dil ko dil se hoti theen woh ab rahatain nahee hoteen
Kisi ke rooth jane per kisi ko khoo ke panay per
Bahut hoti theen ashkoon ki woh barsaatain nahee hoteen
Kabhi hum mil ke chuptay thay kabhi hum chup ke miltay thay
Milan tu ab bhi hota hai mulaqattain nahee hoteen…