O’ dewani
apnay naino k ye mouti,
aik he bar maiN mujh ko day day…
maiN in sab ko, chun kar apnay haatoN maiN,
dukh ke kali chadar per youN TankoNga,
taary ye ban jayNgay…
Chal ree jhalli, pagal laRki,
kioN khud ko bay-jaan kahy tu?
zor say mery seenay lag ja,
maiN tere dhaRkan ban jaooN…
lahu ke manand,
nas nas tere behta jaooN…
jab tu samjhay, sab dewaraiN boos howe haiN,
iss kaandhay pe sir ko rakh kar,
sub dukhRay mujh se keh daina…
dil darwaza khula paRa hai,
aur makan bhe khaali hai…
jab tu chahy iss maiN dakhil hokar,
kar layna aabad gharaana…
O’ bhole, nadan see guRya,
chand say chehroN maiN na khona
jab soraj ke maangi kirnay
in say mouN moRayN tab
mujh pe bhe ik nazar girana…
ray anjani…
tu kya jaany,
panchi, parbat, phool, sitary,
tujh bin sab viraan nazary.
mera sub kuch lay kar mujh say,
apni haNsi ka shor suna day…
jaan mere nikal jati hai,
tere palkaiN bheegiN tu….
**daikh khabi tu ab na rona,
mujh se aaj ye wada karlay. **
Golden…
