Tum Ne Hi Saath Daine Ka Wada-e-Wafa Nahin Kiya
Hum Ne To Aaj Tak Tumhain Dil Se Juda Nahin Kiya
Hum Hi Woh Kum Naseeb Thai, Maange Mili Na Maut Bhi
Aap Ka Kya Qusoor Hai, Aap Ne Kia Nahin Kiya
Dasht-E-Talab Main Har Sada Goonj Bani Bikhar Gaai
Kis Ko Sulagti Rait Ne Aabla Pa Naheen Kiya
Woh To Yai Kahiyay Sakht Jaan Hum Hi Thai Keh War Seh Gaai
Tum Ne Warna Aik Bhee Teer Khata Nahin Kiya
Aaj Khuda Ka Waasta Daita Hai Woh Wafa Shikan
Jis Ne Ghuroor-E-Husn Main Khof-E-Khuda Nahin Kiya
Moum Hue Pighal Gaai Sang Bane Chatakh Gaai
Phir Bhi Zabaan Se Aaj Tak Hum Ne Gila Nahin Kiya
Waise To Sub Bazm-E-Khaish Sachai Bhi Thai Ameen Bhi
Mitti Ka Jiss Pe Qarz Tha, Us Ne Adaa Nahin Kiya
:k:
