Ghazal
Dr.Ahmad Ali Barqi Azmi<O:p
voh kahaan hain humeiN bataate tou
hum chale aate voh bulaate tou
jaan o dil hum nisaar kardete
kaash voh hum ko aazmaate tou
khana-e-dil na houta khaakister
hans ke bijli na vo giraate tou
hum se achha koi nahii houta
naaz unke jou hum uTha-te tou
baal ki vo nikaalte hain khaal
aib unke jou hum ginaate tou
vo dikhaate hain aaina hum ko
aiina unko hum dikhaate tou
sar pe voh aasmaaN uTha lete
hum agar unko bhool jaate tou
aaye the tou zara Thehar jaate
kaash kuchh dair voh na jaate tou
aab beeti humari sunte voh
un ki hum sunte jo sunaate tou
houte :Barqi: voh sabke noor e nazar
rasm-e-ulfat agar nibhaate tou <O:p></O:p>
<O:p> </O:p>
<O:p>[FONT=Times New Roman] </O:p>