Jharna
1
*
izn-e-khiraam lete huye aasamaaN se ham
hatakar chale haiN rahaguzar-e-kaaravaN se ham
kyo’nkar huaa hai faash zamaane pe kyaa kaheN
vo raaz-e-dil jo kah na sake raazadaaN se ham
ham_dam yahii hai rahaguzar-e-yaar-e-khush_khiraam
guzare haiN laakh baar isii kahakashaaN se ham
kyaa kyaa huaa hai ham se junuuN meiN na puchiye
ulajhe kabhi zameeN se kabhii aasamaaN se ham
thukaraa diye haiN aql-o-khiraad ke sanam kade
ghabara chuke haiN kashamakash-e-imtehaaN se ham
baKhshi haiN ham ko ishq ne vo jurrateiN ‘Majaz’
darte nahiN siyaasat-e-ahal-e-jahaaN se ham
*
Jharna
3
[QUOTE]
*Originally posted by Lamhay: *
bahut khoob jharna!
[/QUOTE]
shukria Lamhay :)
Daagh
6
beautiful Jharna ji…
**
kyo’nkar huaa hai faash zamaane pe kyaa kaheN
vo raaz-e-dil jo kah na sake raazadaaN se ham
kyaa kyaa huaa hai ham se junuuN meiN na puchiye
ulajhe kabhi zameeN se kabhii aasamaaN se ham
**
excellent 
Amal
10
Re: vo raaz-e-dil jo kah na sake raazadaaN se ham
Lovely ghazal Jharna:k:…thanx for sharing with us:)
WiseGuy
11
Bohat khoob Jharna ....
Thank you for sharing...