**vo lab ki jaise saaGar-o-sahabaa dikhaaii de
jumbish jo ho to jaam chhalakataa dikhaaii de
dariyaa mein yuu.N to hote hain qatare hii qatare sab
qataraa vahii hai jis mein ke dariyaa dikhaaii de
kiun aaiinaa kahein usy patthar na kiun kahein
jis aaiine mein aks na usakaa dikhaaii de
us tashnaa-lab kii neendd na TuuTe duaa karo
jis tashnaa-lab ko Khvaab mein dariyaa dikhaaii de
kaisii ajiib shart hai diidaar ke liye
aaNkhien jo band hon to vo jalavaa dikhaaii de
kyaa husn hai, jamaal hai, kyaa rang-ruup hai
vo bheer mein bhii jaaye to tanahaa dikhaaii de **
*Krishan Bihari Noor *