http://img.giftstoindia24x7.com/ASP_Img/GTI9668.jpg
Mujhe woh bhool betha hai
Na meri birthday per us ne koi call ki mujh ko
Na mera haal hi poocha
Bahut masroof hai shayad
Magar woh bhi bhi badal dekhta hoga
Bahut kuch poochta hoga hawa se mere bare mein
Bahut kuch sochta hoga
Ke woh meri udaasi ka kisi din hal nikalega
Mein ek khwaab-e-pareshaan hoon
Mujhe woh apni aankhoon mein basa lega
Magar yeh sochain soch se aagay nahe barhteen
Ke jaise aaenay mein aks chahay bhi tau aa nahe sakta
Yeh Valentine Day ki dopehar hai
Ghanteyaan bajti hain kanoon mein
Kabhi aahat pe yeh aankhain hain ke shayad dakiya aaye
Koi tohfa, koi bouqet utha laye
Muhabbat ka yaqeen jo meri mutthi se phisaltay rait jaisa hai
Koi lamha thehar jaye
Muhabbat karne wale kitne couple
Aaj ke din ki khushi mein nachtay gatay
Wisaal-e-josh ki baarish mein nahatay
Apne hone ke nashay mein gum
Magar ek tum
Kahaan ho tum
Mujhe woh bhool betha hai
Magar mein is ki janib se koi tohfa
Koi bouqet utha laee
Gawara hi na thee mujh ko akele-pan ki ruswai
Yeh tohfa kitna acha hai yeh bouqet kitna taaza hai
Koi pooche tau keh deti hoon yeh janu ne bheja hai
Yeh dhoka hai
Magar mein shehar mein us ki muhabbat ke bharam ko kistarah torron
Jo mujh ko chor kar dil ke naye mausam mein rehta hai
Mein us ko kis tarah chorron
Mujhe us se muhabbat thee mujhe us se muhabbat hai
Yeh bouqet aur yeh tohfa mujhe us ki inaayat hai …