vahashat-e-dil silaa-e-aablaa-paaee lay lay
mujh se yaa rab meray lafzon ki kamaaee lay lay
aql har baar dikhaati thi jalay haath apnay
dil nay har baar kahaa aag paraaee lay lay
main to us subah-e-daraKhshaaN ko tavaNgar jaanuuN
jo meray shahar se kashkol-e-gadaee lay lay
tuu ghani hai magar itani hain sharaayat meri
ye mohabbat jo hamain raas na aaee lay lay
apnay deevaan ko galiyon main liye phirataa hooN
hai koi jo hunar-e-zaKhm-numaaee lay lay??