Utha liya hai sitaroon nay aasmaan sir par!

Arts & Culture Poetry ( Intikhaab & Sho'ra-e-Gupshup)
1

Tairay hisaar say bahir nikal gaya hoon main
Tu theek kehta hai shayad badal gaya hoon main

Tujhay khabar nahi kaisay saraab rastay thay
Khuda ka shukr k phir bhi sanbhal gaya hoon main

Mairay ilawaa bhi tujh ko azeez hai koi!!!
Zara si baat pay aisay hee jal gaya hoon main

Yeh paoo’n jantay hain wat e hijr kaisa hai
qadam qadam kisi pathar main dhal gaya hoon main

Utha liya hai sitaroo’n nay aasmaan sir par!!!
Zara jo chaand ki khatir machal gaya hoon main

2

Re: Utha liya hai sitaroon nay aasmaan sir par!

Nazak mizaj.

Issi liye Noor Jehan kehtee thee

"sitaro tum toh soh jao pareshaan raat saree hai."

3

Re: Utha liya hai sitaroon nay aasmaan sir par!

sitaren jealous hain ashiq logon se

4

Re: Utha liya hai sitaroon nay aasmaan sir par!

waah janaab, bahot Khoob intiKhaab rahaa aapkaa…

mujhe AsGhar GonDvii kaa yeh she’r yaad aa gayaa…jab jab space shuttle ko ‘lift-off’ hote huye dekhtaa huN to bhii mujhe yeh she’r yaad aa jaataa hai…what if the shuttle fails to lift-off and they can’t stop the booster rockets from firing, imagine the force that will be generated on the ground…zameen to phaT ke rah jaayegii na? to, she’r mulaaHizah farmaaiye: zaraa shaa’ir kii quwwat-e-bayaan to dekhiye:

kaun kahtaa hai k shaa’irii kaa ta’alluq science-yaat se nahiiN? :smiley:

**uRaa huuN jab to falak pe liyaa hai dam jaa kar **
**zamiiN ko toR gayaa huuN jo rah gayaa huuN maiN

**

5

Re: Utha liya hai sitaroon nay aasmaan sir par!

ye shayari hai ya rocket science :snooty:

6

Re: Utha liya hai sitaroon nay aasmaan sir par!

shaa’irii rocket science hii hai…har kisii ke bas kii baat nahiiN magar ‘aajkal’ ke sho’araa ne ise ‘ghar kii launDii’ banaa rakkhii hai…mujhe aajkal ke sho’araa se Khudaa vaaste kaa bai’r hai. :smiley:

7

Re: Utha liya hai sitaroon nay aasmaan sir par!

shayari agar rocket science bun jae to paRhne walon ko kaise samajh aae gi :hmmm:

8

Re: Utha liya hai sitaroon nay aasmaan sir par!

Bohat Aala..........bro

9

Re: Utha liya hai sitaroon nay aasmaan sir par!

she’r_goii rocket science hai…she’r-fehmii ke liye rocket scientist honaa laazmii nahiiN…agar aisaa hotaa to Ghalib, Mir, Iqbal ke naam aaj zinda na hote. ‘aajakal’ ke sho’araa ke liye maiN kahuuNgaa k “jaisii unkii jalebii/daal-chaawal vaisii unkii faatiHaa!” :smiley:

10

Re: Utha liya hai sitaroon nay aasmaan sir par!

ab Ghalib ko log jante hain lekin unke aksar kalaam sir se ooper guzar jata hai.... her daur ka shayar apne daur ke rujhanaat ko dekh ke likhta hai aur tabhi maqbool o maroof hota hia.. aaj agar koi shayar Ghalib ye Iqbal ke jaise mushkil shayari kare to uska deewan doosre din hi pakoRe aur paan farosh ke kaam aa raha hoga

11

Re: Utha liya hai sitaroon nay aasmaan sir par!

aray wah :clap:
perh ker bohat khoshi hue AJ :slight_smile:

12

Re: Utha liya hai sitaroon nay aasmaan sir par!


Ghalib to apne zamaane meN is qadar mash'hoor o ma'roof na the. unkaa kalaa unke intiqaal ke ba'd popular huye.

vaise, yeh hamaarii bad qismatii hai k hamaarii zabaan tanazzuli kaa shikaar hai...agar yehii Haal rahaa to vo din door nahiiN jab ham zabaan ke adab se haath dho baiTheNge.

13

Re: Utha liya hai sitaroon nay aasmaan sir par!

aaj kaun sii aisii Khaas baat huii? kia aaj she’r sunaane ke saath saath Muqwee Bhai ne miThaaiyaaN bhii khilaayiiN? :smiley:

14

Re: Utha liya hai sitaroon nay aasmaan sir par!

kia bataoun aj kia hyua :(

15

Re: Utha liya hai sitaroon nay aasmaan sir par!

Khairiyat to? kia aaj hubby ne u ko savere savere aaiina dikha adiyaa? :cb:

16

Re: Utha liya hai sitaroon nay aasmaan sir par!

:cb: yi risk me nahi leti yi usi k naseeb me likha hy :omg: