Usay kehna bicharne se muhabbat toh nahi marti
Bichar jana muhabbat ki sadaqt ki alamat hai
Muhabat aik fitrat hai
Haa fitrat kab badaltai hai
So jab hum door ho jaein
Naye rishton mein kho jaein
Tu yeh mat soch lena tum
Keh muhabbat mar gai hogi
Nahi
Aise nahi hoga
Mere bare mein gar tumhari ankhein bhar aye
Chalak kar aik bhi aansu palak pe jo utar aye
To bas itna samaj lena
Jo mere nam se itni tere DIL ko aqeedat hai
Tere dil mein bichar kar bhi abhi meri muhabbat hai
Muhabbat tu bichar kar bhi sada abad rehti hai
Muhabbat ho kisi se tu hamesha yaad rehti hai
Muhabbat waqt ke Be-Reham tufaan se nahi darti
Usay kehna bicharne se Muhabat toh nahi marti