aj say pehlay jitn abhi likha khud tak he mehdood rakha q k parhnay wala bhi me tha sunnay wala bhi me tanqeed karnay wala bhe me aur tareef karnay wala bhi me
But aj pehli baar himmat ki hai agar app logo ko nagawar guzray to inform kardejyega next time aise jurrat nahi hogi
aik din yonhi bekhayali main
poch baitha uss say me
k itni mohabbat jo tum jatati ho
khud ko mera pyar batati ho
batao aj mujh ko
k kitna chahti ho tum
mere lye, mere saath
kitni dour tak jasakti ho tum
mujh ko jannay k daway to buhat karti ho tum
magar kia waqi mere sochon ko bhi parhti ho tum
boli wo mujh say k yeh dawa hai mujh ko
janti ho me tum say ziada he tum ko
acha nahi lagt tumko kisi k lab pay mera naam
rakhtay ho nazar mujh pay subah ho ya shaam
karay ho pyar mujh say isss shidddat say tum
k khud ghabratay ho iss ki hiddat say tum
hotay ho jab ghussay me baat kartay ho tum kum
rotay ho magar ankh ko kartay nahi tum num
rota hua tum mujh ko kabhi dekh nahi saktay
koi bhi ho nishani mere tum phaink nahi saktay
jaanti ho me tumnay rakhi hai ab tak sanbhaal kar
hair pin jo phainki thi menay balon say nikaal kar
naraz jab hotay ho har baat pe hoon haan kartay ho
kehna buhat kuch chahtay ho per keh kuch nahi patay ho
chatkhatay chatkhatay unglion me dard hojata hai
phir dheeray dheeray tumhara gussa bhi sojata hai
jab tak phone na karlo mujhko,chain say tum sotay nahi
aisi koi raat nahi jab ankhon main meray khwab pirotay nahi
subah uthtay he mujh ko sms tum kartay ho
har namaz me meray lye tum khob dua kartay ho
kaisay bhi hoon halat mujhay tum chor nahi saktay
mujh say risht-e-mohabbat tum kabhi torr nahi saktay
bolo itna kaafi hai ya aur bhi tum ko batlaon
tumhari zaat ka ayina tumko aj me dikhlaon
yeh sub keh kar ussnay mujha lajawab kardya
k meri be hisaab mohabbat ka uss nay hisaab kardya