~Ussi aik furd kay waastey merey dil maiN dard hay kiss liye~

Arts & Culture Poetry ( Intikhaab & Sho'ra-e-Gupshup)
1
**

Ussi aik furd kay waastey merey dil maiN dard hay kiss liye
Meri zindigi ka mutalba wohi aik furd hay kiss liye

Tu jo sheher maiN hi muqeem hay tou musafirat ki fiza hay kiyoN
Tera kaarvaaN jo nahiN gaya tou hava maiN gurd hay kiss liye

Na jamaal-o-husn ki bazam hay, na junoon-o-ishq ka azam hay
Sar-e-dusht-e-ruqss maiN har ghaRi ko yaad gar hay kiss liye

Terey husn se ye pata chala, tujhey dekh ker ye khaber hovi
JahaN raasta he nahiN koi wahaN raah noord hay kiss liye

Jo likha hay merey naseeb maiN kaheeN tu nay paRh tou nahi liya
Terey haath surd haiN kiss liye, tera rang zurd hay kiss liye

Woh tark-e-rabt ka ehad tha kaheeN tootney tou nahi laga
Terey dil kay dard ko dekh ker merey dil maiN dard hay kiss liye

Koi waasta jo nahiN raha teri aankh maiN ye nami hay kiyoN
Merey ghum ki aag ko dekh ker teri aah surd hay kiss liye

**

2

Koi waasta jo nahiN raha teri aankh maiN ye nami hay kiyoN
Merey ghum ki aag ko dekh ker teri aah surd hay kiss liye

wah wah very touchy buhat achi hai !!

3

wah.. bohat achay :flower1:

4

thanks Nazi

thanku shobii

5

this is really beautiful .. :k: ..

6

Koi waasta jo nahiN raha teri aankh maiN ye nami hay kiyoN
Merey ghum ki aag ko dekh ker teri aah surd hay kiss liye

Kiya baat hai khush rahoo...

7

ghazal & dilsay- thanks :~)