I love this ghazal
usse apni farda ki fikar thi… wo jo mera wakif-e-haal tha
wo jo uski subha-e-urooj thi… wo mera wakt-e-zawaal tha
mera dard kaise wo jaanta… meri baat kaise wo maanta
wo to khud fana ke safar mein tha… usse roakna bhi muhaal tha
kahan jaoge mujhe chor kar… mein ye pooch pooch kar thak gaya
wo jawaab na mujhko de saka… wo to khud sarapa sawaal tha
wo jo uske saamna aa gaya… wohi roshni mein naha gaya
ajab uski haibat-e-husn thi… ajab uska rang-e-jamaal tha
dam-e-wapsi usse kya hua… na wo roshni.. na wo taazgi
wo sitara kaise bikhar gaya… wo to khud app apni misaal tha
wo mila to sadyon ke baad bhi… mere lab pe koi gila na tha
usse meri chup ne rula diya… jisse guftagoo mein kamaal tha
mere saath lag ke wo ro diya… mujhe ‘fakhri’ wo sirf itna keh saka
JISSE JAANTA THA MEIN ZINDAGI WO TO SIRF VEHAM-O-KHAYAAL THA
