Uss nay puchaa
Haath kii rekhaa’oN par hay wishwaas tumhaara
MaiN nay kahaa bass thorra thorra
Wuh bolaa…!
Dikhlaana tou tehreer hay kyaa haathoN peh tumharay
MaiN nay kahaa chohro jaanay do
Kyaa rakhaa hay in baatoN meiN
Uss nay jab israar kiyaa tou
MaiN nay muThii khol dikhaai
Uss nay hathoN ko thaama, dekhaa aur ye bolaa
karaas buhat haiN zeyaada iss par
wesay qismat burii nahiN hay
haath chuhRaa kar maiN yeh bolii
sach kahtay ho yunhii hogaa
tab wuh aahista say bolaa
sach poocho tou…, maiN nay tou sab jhuuT kahaa hay
qismat kay iss ilm say maiN bhii na-waqif huuN
maiN nay tou bass haath tumhaara chuhnaa chaaha.
By: Fakhra Batool
:~)