Jo us ne phool bhejey thay
Inhi phoolon se ab khushbo nahin aati
Buss uski yaad aati hai
usi ki yaad main ab hum
Na jeetay hain na martey hain
Buss usi ki aag main her dum jaltey hain
Badan se jo lipat ker ,
Rooh tak ko jalati hai.
Mager us ko khaber hai kiya
K jis ki yaad main
Tanha sulagtey hain
Yeh jo khud ko jalatey hain
usey kiya yaad aatey hain
Bata kuch to…!!!
Hamen woh yaad kartey hain
K jis ka naam ham akser
Sar-e-sahil likha kartey thay
Jis k visal ki khatir
Samnder ki hawaon k sabhi dukh jhaela kartey thay
Kabhi hum apni nazron ko
Samnder ki machalti lehron per rakh ker
Uffaq k paar akser dekha kartey thay
usey kehna…!!!
Hum us ko yaad kartey hain
Yeh aankhin us ki furqat main
Hamen ab khoun rulati hain
Satati hain…
Hum us ki yaad se Dil ko bohat aabad rakhtey hain
Hum us k lout aaney ka
Yaqeen rakhtey hain
Us ko yaad kartey hain
Usey kehna…!!!
Usey hum bohat piyar kartey hain**
