**Khushboo ki tarteeb hawa key raqs mein hai
Meri sanad, merey hi jaisey shakhs mein hai
Woh mera tan chuey, mann mein sher ugaaye
PeiR kee haryaali baarish key lams mein hai
Soch ka rishta saans sey toota jata hai
Loo sey ziada jabr fiza key habs mein hai
Din mein kaisi lagti hogi, sochti hon
Nadi ka sara husn tu chaand ke aks mein hai
Meri achaii tu sab ko achi lagti hai
Us key pyaar ka markaz merey nuqs mein hai
Aisi khaali nasl ke khuwaab hi kiya hongey
Jis kee neend ka sarchashma tak chars mein hai**