Us ada say bhi hoon main aashna tujhey itna jis pey ghuroor hai
Main jiyooon gi tairey baghair bhi mujhey zindagi ka shuoor hai
Jo samajh liya tujhey beywafa to phir is main bhi teri kya khata
Yeh qalal hai mairey dimagh ka yeh meri nazar ka qusoor hai
Yeh jo raat din mairey saath hain wohi ajnabi k hain ajnabi
Woh jo zindagi ki asaas they wohi log hum say bichar gaye
Ahsaas agar ho to mohabbat karo mehsoos
Har baat ka izhaar zaroori nahin lab sayyyyy
Jin ko toofaan say larney ki ho aaadat mohsin
Us insaan ko samandar bhi dua daita hai…
Baada phir baada hai main zeher bhi pi jaoon qateel
Shart yeh hai koi banhon main sambhaley mujh ko
Apni hathon ki lakeeron main basa lay mujh ko
Main hoon tera naseeb apna bana lay mujh ko
aankhon ka rang, baat ka lehja badal gaya
woh shakhs aik shaam main kitna badal gaya
kuch din to mera aks raha ayeena naqsh
phir yoon huwa k khud mera chehra badal gaya
jab apnay apnay haal pay ham tum na reh sakay
to kiya huwaa jo ham say zamana badal gaya
kadmon talay jo ret bichi thi woh chal pari
us nay churaaya haath to sehra badal gaya
koi bhi cheez apni jageh par nahin rahi
jaatay hi aik shakhs kay kiya kiya badal gaya
ik sarkhoshi ki moj nay kaisay kiya kamal
wo beniaaz saara ka saara badal gaya
uth kar chala gaya koi wakfay kay darmiaan
parda utha to saara tamaasha badal gaya
hairat say saaray lafz usay dekhtay rahay
baaton main apni baat ko kaisay badal gaya
kehnay ko ik sehan main deewar si bani
ghar ki fiza makaan ka naqsha hi badal gaya
shaayad wafa kay khel main uktaa gaya tha woh
manzil kay paas aakay jo rasta hi badal gaya
qayem kisi bhi haal pay dunyaa nahin rahi
tabeer kho gayee kabhi sapna badal gaya
manzar ka rang asal main saaya tha rang ka
jis nay usay jidhar say bhi dekha badal gaya
andar kay mosaamon ki khabar us ko ho gayee
us nobahaar naaz ka chehra hi badal gaya
aankhon main jitnay ashk thay jugnoo say ban gaye
woh muskuraaya aur meri dunyaa badal gaya
apni gali main apna hi ghar dhoondtay hain log
farhan yeh kon shehar ka naqsha badal gaya