We are going through testing times. Our unity as a nation has been severely strained by provincialism exploiting politicians and insensitive.. unfair governments…
And so in the spirit of reconciliation I thought I would do a series of threads this Pakistan Day on things that bind us together as Pakistanis, not Pashtuns or Punjabis or Muhajirs or Hazarites. Urdu, that language that lets Pathans and Memons and Sindhis and UP walay and Punjabis talk at the same time and still understand each other. Our meat based food. Those trucks. Cricket. Variations in shalwar kamiz. pop music!
Sadly I’ve only been able to cover a little bit of urdu, and that too a very sat’hi review. Anyway, here is a selection of urdu poetry from poets across our country..
I’ll try to post bios of the shair’s as I find them.
Runjish hi sahi, dil hi dokhanay ke liye aa
aa phir se mujhe chor ke jaanay ke liye aa
kuch tau meray pindar-e mohabbat ka bharam rukh
tu bhi tau kabhi mujh ko mananay ke liye aa
pehle se marasim na sahi phir bhi kabhi tau
rusm-o rah-e dunya hi nibhanay ke liye aa
kis kis ko bataein gay judai ka sabab hum
tu mujh se khafa hai tau zamanay ke liye aa
ik umr se hoon lazat-e giryaa se bhi mehroom
ai rahat-e jaan mujh ko rulanay ke liye aa
ab tuk dil-e khush feham ko tujh se hein umidein
yeh aakhari shumein bhi bujhanay ke liye aa
Tumhari anjuman say uth kay deevanay kahan jatay
Jo wabasta huay tumse woh afsanay kahan jatay
nikal kar der o kaba say agar milta na mey-khana
to tukhraaye huay insan, Khuda janay kahan jatay
tumhari beyrukhi nay laaj rakh li badah khanay ki
tum ankhon say bila daytay to paymanay kahan jatay
chalo acha hua kaam aa gayi divangi apni
wagarna hum zamanay bhar ko samjhanay kahan jatay
qateel apna muqaddar ghum say beygana agar hota
to phir apnay paraye hum say pehchanay kahan jatay
sotay mein bhi
chehray ko anchal say chupaye rehti hun
dar lagta hai
palkon ki halki si larzish
honton ki mohoum si jumbish
galon per reh reh ke itranay wali dhanak
lahu mein chand rachati is nanhi si khushi ka naam na ley ley
neend mein ayi hui muskaan
kisi say dil ki baat na keh day!
Faiz Ahmed Faiz (Punjabi/Sialkot) .. this was written in exile
Nisaar mein teri galiyon kay aye watan kay jahan
chali hay rasm kay koi na sar utha kay chalay
jo koi chahnay wala tawaf ko niklay
nazar chura kay, jism o jaan bacha kay chalay
hay ehl e dil kay liay ab ye nazm e bast o kushar
kay sang o khasht muqeed hain aur sag aazad
buhat hein zulm kay dast, bahana jo kay liay
jo chand ehl e junoon teray naam lewa hein
banein hein ehl e hawas, mudd'ai bhi, munsif bhi,
kisay wakeel karein, kis say munsafi chahein..
magar guzarnay walon kay din guzartay hein
teray firaaq mein yun subh o shaam kartay hein
bujha jo dozan zindaan to dil ye samjha hay
kay teri maang sitaron say bhar gayi ho gi
chamak uthay hein salasil to hum nay jana
kay ab sahar teray rukh pe bikhar gayi ho gi
gharaz tasavur sham o sahar mein jitay hein
girift saya e divar o dar mein jitay hein yunhi hamesha ulajhti rahi hay zulm say khilq
na in ki rasm naee hay, na apni reet naee
yunhi hamesha khilaye hein humne aag mein phool
na inki haar nai hay, na apni jeet nai!
isi sabab say falak ka gila nahin kartay
teray firaq mein dil bura nahi kartay
gar aaj tujh say juda hein to kal baham hon gay
ye raat bhar ki judai to koi baat nahi
gar aaj auj pe hai talala raqeeb to kia
ye char din ki khudai to koi baat nahi
jo tujh say ehd e wafa istawar rakhte hein
ilaaj gardish lail o nihar rakhte hein
Zaroori nahi hay
zaroori nahi hay jo saahil ki geelee rait per
haaton main haath day ker
safar aut talatum kay kisay sunayeh
jazeeron, hawaaon aur undaikhey mausam
aur aankhon say ojjhal kinaron pay bikhray
huay manzeron, zaaiqon aur rangon ki batain keray
wo inn wardaton say guzrra bhi ho
ger kehay, aao hum inn peraishaan mojon ka peecha kerain
jo teray aur meray paoon ko choomti hain
talatum ki bay naam manzil say guzrain
yeh daikhain hawaayen kisay dhoondti hain
to chulnay say pehlay zaarra soch lena
zaroori nahi hay jo undekhay ruston ki khabrain sunayeh
woh inn ruston ka shanasa bhi ho
kaheen yeh na ho tum sumunder may uss ko dhoondo to woh
saahilon pay kharra muskeratta rehay.
Well I am not arguing on anything. You can interpret it as you wish. But, it's a fact that it's a thread about Poetry and we have a poetry Forum. That's just MY HUMBLE OPINION. Aik sher aap kay dhaagay ki nazar:
Hum aah bhee bhartay haiN tau ho jaatay haiN budnaam
Woh qat'l bhee kartay haiN tau Charchaa naheeN hotaa :)
