which kind of friend do u want
Jo aap ko zaheen bana day
maaloomaat barha day.
Chhor kar na jaaye
naata torr kar na jaaye.
Aap ko bore na karay
aap ki tanhai mein shor na karay.
Aap ko dhoka na day
shikaayat ka moqa na day.
Bay jaa taareef na karay
aap ka mazaaq na uraaye
Aap ka maal na churaaye
aap say kuchh na chhupaaye
aap ka raaz na bataaye
Aap kay saath rahay
kaheen na jaaye
Jab pukaara fauran aa jaaye
Jo aap ko maaloom woh us ko maaloom
jo us ko maaloom woh aap ko maaloom. Naadaano ko irfan day
bay zabaano ko bayaan day
Murdo kay haalaat bataaye
zindo ko raah dikhaaye.
Har mushkil ka hull bata day aur seedhi raah dikha day.
Woh to kab say aap say dosti kayliay bay chain hai. Aap dosti kayliay tayyaar hein? To phir uthiay, aur aaj hi us say dosti kar lein.
Naam pata maaloom hai? Masjid ki kisi almaari mein para hoga, ghar kay kisi taaq par rakha hoga.
Us ka naam Qur’an hai. Yeh tamaam khoobiyaan Qur’an mein hein. Aaj hi usay dost bana lein. Yaad rahay woh apni baat manwaanay ki shart zaroor lagaata hai. Aap us ki baat maanein, woh aap ko kaamyaab kar dayga.
