Unko Kabhi Bhi Mera Jo Intizar Hota
Yeh Dil Bhi Istarah Se Na Beqarar Hota
Ik Taalne Ki Aadat Hoti Zara Jo Humko
Daaman Mera Na Phir Se YooN Daghdar Hota
Kabhi Hukm Humko Saadir Jo Aik Bar Karta
Asar Aik Baar Kehne Ka Baar Baar Hota
Unse HemeiN Rafaqat Ki Thi Na Kabhi Umeed
Kuch Dushmani Ka Rishta Hi Ustawar Hota
Hum Mein Bhi Hai Khudi Per MizgaaN Hain Shabnami
Ay Kash AnsooyooN Per Humein Ikhtiyar Hota
Tujh Ko Bhi Dhoond Latey Dasht O Jabal Se Hum
Apna Wajood Hum Pe To Aashkaar Hota
Us Bewafa Ke Wadey Ka Aitabar Karte
Kuch Zeest Ka Bhi Humko Ger Aitabar Hota
