Un bad-nasiboN ko kya khabar ke wafaa ke roz-e-jazaa meiN kya hey
jo diloN sey apney bhula chukey hoN mohabbatoN ke nisaab saarey
koi jo poochey to kya bataaooN ke kehkashaaoN ke dikha ke manzar
koi meri qismat meiN likh gayaa hey shab-e-firaaq ke azaab saarey
meiN kin umeedoN ke waastey sey moj’zoN ki duwaeiN maaNgooN!
ke ban ke aaNsu beh gaey heiN meri nigaahoN sey khaab saarey
meiN jis ke rastoN meiN gulsitaaN ki ronaqoN ko bicha raha tha
wo meri raahoN ko de gaya hey taptey sehra ke saraab saarey
rangat us ki urri hui thi, nigaheiN us ki jhuki hui theeN
merey ik sawaal ka poochna tha ke bhool gaya wo jawaab sarey
