Umiid --

GuL-e-Tasbeeh · March 25, 2003, 12:00pm

Umiid

Wuh Subah kabhii tou Aaey gii

in kalii sadiyoN kay sar say jab Raat kaa Aanchal dhalkay gaa
jab dukh kay baadal pighlaiN gay jab sukh kaa saagar jhalkay gaa
jab Ambar jhuum kay nachay gaa jab dhartii nagmay gaaey gii

Wuh Subah kabhii tou Aaey gii

jis subah kii khatir jug jug say hum sab mar mar kay jiitay haiN
jis subah kay amrit kii dhun meiN hum zehar kay piyalay piitay haiN
in bhukii piyaasii ruuhoN par ik din tou karam farmaaey gii

Wuh Subah kabhii tou Aaey gii

maana kay abhii teray meray ArmaanoN kii qiimat kuch bhii nahiN
mittii kaa bhi hay kuch mol magar insaanoN kii qiimat kuch bhi nahiN
insaanon kii izzat jab jhuthay sikkoN meiN naa tolii jaaey gii…

Wuh Subah kabhii tou Aaey gii

** Sahir **

Lamhay · March 25, 2003, 12:04pm

bahut khoob gul e tasbeeh! woh subah kabhi tu ayegi :)

Amal · March 25, 2003, 1:14pm

Re: Umiid --

[QUOTE]
Originally posted by GuL-e-Tasbeeh: *
**Umiid*

Wuh Subah kabhii tou Aaey gii

** Sahir **
[/QUOTE]

wo subah zaroor aaey gi, inshaallah!

Azad · March 25, 2003, 1:43pm

:k:

_MuNiYa · March 25, 2003, 3:26pm

Very nice... straight from someone's heart. :)

Dilsay · March 25, 2003, 3:32pm

very beautiful...

Umeed tu kafi hai yaqeen kuch kam hai
Har ghari hota hai ahsas kaheen kuch kam hai

guybrush · March 25, 2003, 4:12pm

nice :k:

_ChiNi · March 25, 2003, 4:55pm

great poem…very sincere and touching.

system · March 25, 2003, 7:18pm

beautiful :k::k:

Mehvar · March 26, 2003, 1:45am

bahut peyaree hae:k:…thanku:)

Swera · March 26, 2003, 2:51pm

Main a gai ;)

Just kidding :D

Bohat achi ghazal hai :)