mujhay roshni ki talab bhi thi
mujhay manziloon ka pata bhi tha
mujhay rastoon ki khabar bhi thi
main bashar jo tha, mera dil bhi tha
meray dil main rang bikhairti hoi
khuwhishoon ka hajoom bhi tha
meri zindagi ki khalaoon main
kayie tairtay howay khowab thay
mujhay maangnay ka shaoor na tha
meray lab pay hurf-e-dua bhi tha
main bashar jo tha
mujhay roshni ki talab jo thi
mujhay raasto ki khabar to thi
mujhay manzilo ka gumaa to tha
tu nay phir bhi kaisay samajh liya
koi aarzo koi raasta
koi roshni koi zindagi
mujhay tujh say bhar kar aziz hai
kabhi is taraf say guzar howa
to nazar bacha kay ye dekhna
teray baad jitni basar hui
isay umar kehna durust hay??