**Uff! **
Ashk peetay hi rehay lub seetay hi rehay
Dabaa kay izhaar-I-tamanna kay khwaab
Bus ik beshakl si zindagi jeetay hi rehay
Kuch aisay diyay hawaadis taqdeer nay mujhko
Key na huNs sakay unpay na kabhi ro hi sakay
Majboor-i-fitrat meri kuch taqaazaa-i-halaat uska
Apnaa sakay usko na kabhi kho hi sakay
MaiNnay taraashay thay khalwat main
Husn-o-ishq kay jo sehar khwaab
Aur jinmaiN bharay rung-i-bedaar laykar
Apnay tamaam ilm-o-ahsaas
Unpay bhikhar gayee amaawus ki siyaahiaN
Aur meray daaman main reh gayeeN bus TanhaaiaN
Meanings:Hwaadis- accidents,Khalwat-solitude,rung-e-bedaar- colours of consciousness, amaawus-no moon night