Udaasyon ka sabab jo likhna, to ye bhi likhna
Ke chaand, taare, shahaab, aankhen badal gae hein
Wo zinda lamhe jo teri raahon mein, tere aane ke muntazir thay
Wo thak ke saayon mein dhal gae hein
Wo teri yaden, khayal tere, wo ranj tere, malaal tere
Wo teri aankhen, sawaal tere, wo tum se mere tamaam rishte bicharr gae hein, ujarr gae hein
Udaasyon ka sabab jo likhna, to ye bhi likhna
Larazte honton pe larkhrrati dua ke sooraj, pighal gae hein, tamaam sapne hi jal gae hein
