udaas kaagazi mausam mein rang-o-buu rakh de
har ek phuul ke lab pe meraa lahuu rakh de
zabaan-e-gul se chattaanein taraashane vaale
sukuut-e-naqsh mein aaraa_ish-e-namuu rakh de
giraan lage hai jo ehasaan dast-e-qaatil kaa
uth aur teG ke lab pe rag-e-guluu rakh de
chalaa hai jaanib-e-maiKhaanaa aaj phir vaa_iz
kahin na jaam pe lab apane bevazuu rakh de
Khudaa kare meraa munsif sazaa sunaane mein
meraa hii sar mere qaatil ke ruu-ba-ruu rakh de
samandaron ne bulaya hai tujh ko ai ‘Bekal’
tuu apanii pyaas kii saharaa mein aabaruu rakh de