Re: Two Poems..
Meri 2 Poems Jo Aik He Ground Pe Likhi Hain Mainay, Socha Aik Saath Share Ker Doon..
(1)
Ek Teray Rooth Janay Se Saari Dunya Khafa Si Lagti Hai
Jab Hon Chaaron Taraf Ye Sannatay Dil Ki Dharkan Sada Si Lagti Hai
Her Samay Jab Azaab Utrain Tou Zindagi Khud Qaza Si Lagti Hai
Aise Lamhay Pe Teray Honton Per Muskurahat Duaa Si Lagti Hai
Sochna Tum Ko, Tum Ko Sochtay Rehna Ye Aadat Bhi Dil-Ruba Si Lagti Hai
Teri Aankhon Main Saadgi Itni Kion Tuu Sab Se Juda Si Lagti Hai
(2)
Teray Honton Pe Itni Khamoshi Aur Aankhon Main Ek Sada Si Lagti Hai
Kion Tuu Hans Bol Ke Nahi Milti Kion Tuu Mujh Se Khafa Si Lagti Hai
Teri Aankhain Sada Ki Qaatil Hain Inn Main Her Damm Qaza Si Lagti Hai
Teray Aanchal Ke Saa-ay Main Bethoon Iss Khushboo, Hina Si Lagti Hai
Teray Aanay Se Phool Khiltay Hain Kitni Dilkash Fiza Si Lagti Hai
Teri Guftaar Main Hai Sheereeni Aur Lehjay Main Ek Adaa Si Lagti Hai
(Ahmer)
Umeed Hai Aap Logon Ko Pasand Aye Gi..
Regards,
simply...................................Superb!!!!
alfaaz mein saadgee .............magar meaning mein depth...........
amazing!!!