**tuu paas bhi ho to dil beqaraar apna hai
ke ham ko tera nahiin intazaar apnaa hai
mile koii bhi tera zikr chherh dete hain
ke jaise saaraa jahaaN raaz_daar apnaa hai
vo duur ho to bajaa tark-e-dostii ka Khayaal
vo saamne ho to kab iKhtiyaar apnaa hai
zamaane bhar ke dukhon ko lagaa liya dil se
is aasare pe ke ik Gam_gusaar apnaa hai
‘Faraz’ raahat-e-jaaN bhi vahi hai kyaa kiije
vo jis ke haath se siina_fiGaar apnaa hai
**
Ahmed Faraz