Salamz!
Kafi dinon ke baad yahan per post ka moqa mila hai, socha aap sab ke saath Fakhira Batool ki aik khubsurat c nazm share karoun.
I hope it hasn’t been posted before.
Utar ke khamosh, there thehre udaas gehre
samadaroN maiN utar ke dekha
tamaam mojoN se jaa ke phuucha pata tumhara
magar palat ke, kahiN se koi sadaa na aayee
Falak ke saaton he sa’i baanoN ko chuu ke dekha
Jhulaste huay sehra ki rait saansoN se chaan kar bhee
tumhari khushbu na haath ayee
kisi ne bhee tou nahiN bataya ke tum kahaN ho ke tum kahan ho
suno kabhi sepiyoN ki dhaRkan ko chuu ke dekha
kabhi ghulaab ki patiyoN ki suni karaahen
kabhi bikharti c kehkashaan ko
nazar nazar se chuna hai tum ne
kisi ke hontoN pey aa ke marti huee dua ko sunaa hai tum ne
tumheN khabar hai?
kisi ke aanchal pey dhairoN waadey likhey they tum ne
kisi ki palkoN pey jugnu’oN ko bekhera aise
ke us ke chehrey pey subah kar dii
kisi ki aankhoN maiN khawaab likhe
magar muqaddar maiN saraab likhey
Wafa ki jaagiir tum ko sonpi hamaare dil ne
tou kya mila phir
hamin se chehra chupaa liya hai?
tumheN ye kis ne kaha tha mattii ko auR lo tum?
tumheN ye kis ne kaha tha dil ke tamaam rishtoN ko toR do tum?
Youn choR jaae ka haq tumhen ham ne kab diya tha?
hamen bhulaane ka haq tumhen ham ne kab diya tha?
