Aik Deewana Yeh Kehtey Huwey Hansta Jata
Kash Manzil Sey Bhi Agey Kio Rasta Jata
Aye Merey Abar Gareezaan Meri Aankhon Ki Tarah
Ger Barasna Hi Tujhey Tha To Barasta Jata
Aaj Tak Yaad Hey------Izhar-E-Mohabat Ka Woh Pal
Keh Meri Baat Ki Luknat Pey Woh Hansta Jata
Itney Mehdood Karam To Taghaful Behter
Ger Tarasna Hi Mujhey Tha To Tarasta Jata
Tumheen Jub Milaen Kabhi Fursataen
Tumheen Jub Milaen Kabhi Fursataen, Meray Dil Say Bojh Utar Do
Main Bohut Dinon Say Udaas Hoon, Koi Shaam Mujhey Udhar Do
Mujhey Apney Roop Ki Dhoop Do, Ke Chamak Sakain Meray Khad-O-Khal
Mujhey Apney Rang Main Rang Do, Mera Sara Rang Utar Do
Meri Wahshaton Ko Barha Dia Judaiyon Key Azab Ney
Merey Dil Pe Hath Rakho Zara, Meri Dharkanon Ko Qarar Do
Kisi Aur Ko Merey Hal Say Na Gharaz Hey Na Koi Wasta
Main Bikhar Gia Hoon Samet Lo, Men Bigar Gian Hoon Sanwar Do
Wahan Ghar Men Kon Hey Muntazir, Kyon Fikar Ho Dair Sawer Ki
Bari Mukhtasir Se Yeh Rat Hey Isey Chandni Main Guzar Do
na jane kyon mera kajal
na jane kyon mera kajal
jab bhi dekho ankhon mein
ab aksar phail jata hai
mein royee to nahen hon....
tum to jante ho in dino
bohat hi thand hoti hai
tab hi surkh hai naak meri
mein royee to nahen hon...
kaha to hai yonhi bas
bheega hai anchal ka kona
choro tum fikr mat karo
mein royee to nahen hon...
nahen udas kab hon mein
ziyada kaam ke bais
thakawat ho hi jati hai
mein royee to nahen hon...
eid ayee hai woh ab bhi
nahen ata to na aye
ab os ki yaad mein dekho
mein royee to nahen hon...
bata dena os ko jaa kar
koi khushfehmi na phaile
wesy hi surkh hain ankhen
mein royee to nahen hon...
woh khaloos tha ke khumar tha
**woh khaloos tha ke khumar tha
woh janoon tha ke saraab tha
mujhey sochney mein zaman laga
mujhey munzilon ne bhoola diya
mujhey jis masiha pe maan tha
mujhey us ne sooli charha diya
kai humsafar kai rahguzr
mujhey rastey mein miley magar
meri tushnagi kuch aur hai
meri justajoo koi aur hai
woh jo roshni ki tarha barhey
magar ansuon mei sama sakey
jo subha ki pehli kiran bane
mere dil ka aangan nikhaar de
jo muhabbaton ki ravaytein
laho ki bali se sanwaar de
mujhey us wafa ki talaash hai
mujhey us wafaki talaash hai
magar is jahan-e-kharab mein
yahan khahishon ke saraab mei
mujhey kaun de aisy wafa
mein kahan se laoon woh wafa
inhi uljhanon mein ghira hua
yehi sochta mein chala gya **
mujhe woh yad ata hai
kabhi chanda ki nagri se koi paigham aye to
kabhi taron ke honton par kisi ka naam aye to
kabhi tareek shab mein koi jugnu jagmagata hai
mujhe woh yad ata hai
kabhi jab saans se uthhta dhuan mehsoos hota ho
ajab si aanch pe harr ki ruan mehsoos hota ho
tab us ke pyar ke sawan mein tann mann bheeg jata hai
mujhe woh yad ata hai
kabhi raton ko uth uth kar buhat bechain hote hon
agar jo laitna chahen to bass takiye bhigotey hon
koi roothi hui sab neend ki parian bulata hai
mujhe woh yad ata hai
kabhi jab titlion ke pankh bhi be rang ho jayen
meri sari baharen bhi khizan ke sang ho jayen
tabhi ik aas ka panchhi dar e dil khatkatata hai
mujhe woh yad ata hai
woh jis ke dhyan ki kirnen hamen harr subh jagati hain
usi ki yaad ke saye mein shaamen muskurati hain
mujhe chhu ke jo harr shab sang se heera banata hai
mujhe woh yad ata hai
kabhi ziddi si koi yaad daaman thham baithey to
kabhi kaga hamari chhat pe subh o sham baithey to
kabhi bhatka koi wada jo darwaza bajata hai
mujhe woh yad ata hai
jab shaam aagan main utar aae mujhe yaad karlena
**jab shaam aagan main utar aae mujhe yaad karlena
jab chandni har so bikhar jae mujhe yaad karlena
shub bhi gahri ho aankhain bhi be khuaab hun
aur kisi ki yaad tumhain satae tu mujhe yaad karlena
kabhi asa ho aansoo chunne wala koi na ho
aur rone ko bhi je chahe mujhe yaad karlena
jab koi bhi na aae maseehaee ko
dard jab had se barh jae mujhe yaad karlena
tum asa karna gum rehna tamam saal khud main
magar jab khizan ka mosam aae mujhe yaad karlena **
tark-e-muhabbat par bhii hogii un ko
***tark-e-muhabbat par bhii hogii un ko nidaamat ham se ziyaadaa
kis ne kii hai kaun karegaa un se muhabbat ham se ziyaadaa
hamane maanaa aap me.n hogii sabr kii taaqat ham se ziyaadaa
dekhiye lekin utarii hui hai aap kii suurat ham se ziyaadaa
uff vo tabassum halkaa halkaa haaye vo bhiigii bhiigii palake.n
vaqt-e-ruKhsat un pe giraan thaa lamahaa-e-ruKhsat ham se ziyaadaa
koi tamannaa koi masarrat dil ke qariib aane hii na dii
kisane kii hai ishq mein yaaron Gam se muhabbat ham se ziyaadaa***
chaaNdnii raat mein chaaNd ke saamne
***chaaNdnii raat mein chaaNd ke saamne
ruKh se pardaa haTaanaa Gazab ho gayaa
chaaNdanii chhup ga_ii chaaNd sharmaa gayaa
aap kaa muskuraanaa Gazab ho gayaa
dil kii dharkan merii tez hone lagii
raat aaNkhon mein kaaNTen chubhone lagii
vasl kii raat mein baat hii baat mein
yuuN teraa ruuTh jaanaa Gazab ho gayaa
jhuum kar kaalii kaalii ghaTaa jab uThii
raat apanii to karavaT badlate kaTii
kuchh to mausam ne bechain rakkhaa hame.n
kuchh teraa yaad aanaa Gazab ho gayaa
apane hisse mein tuufaaN kii taqadiir thii
zindagii apanii maujon kii zanjiir thii
Duub jaane kaa apne hamen Gam na thaa
us kaa saahil pe aanaa Gazab ho gayaa***
aaj ham bichhre hain to
***aaj ham bichhre hain to kitane rangiile ho gaye
merii aaNkhen surKh tere haath piile ho gaye
kab kii patthar ho chukii thii muntazir aaNkhen magar
chhuu ke dekhaa to,,,, mere haath giile ho gaye***
Mana teri nazar mein
***Mana teri nazar mein tera pyaar hum nahi,
kaise kahen ki tere talabgaar hum nahi,
Khud ko jala ke khak kar dala, mita diya,
lo ab tumhari raah mein dewaar hum nahi,
Jis ko sanwara humne tamannaon ke khoon se,
gulshan mein us bahar ke haqdaar hum nahi,
Dhokha diya hai khud ko muhobbat ke naam se,
kaise kahen ki tere gunahgaar hum nahi.....***
Teri tasweer meri ankhon main basee kyun hai
**Teri tasweer meri ankhon main basee kyun hai
Jidhar dekho bus udhar tu hi kyun hai
Teri yadoon say wabasta meri takdeer hai lekin
tujhe naa paa ker meri takdeer roothi kyun hai
Mujh ko hai khaber asaan nahin tujhe haasil karna
phir bhi yeh intizaar yeh bekarari kyun hai
Barson guzar gaye meray tanhayee main lekin
Meri baanhon ko aaj bhi tera intizaar kyun hai
Teri chahat ki kasam khoon kay aansoon royaa hon
Ab nahin hai kuch bakee phir yeh jaan bakee kyun hai
Khatam huwa mera yeh afsana ek baat batadoo lekin
Anjaam tha malooom mujh ko phir yeh muhabbat kyun hai
**
Chalo Ishq nahi, Chaahne ki Adat hai
**Chalo Ishq nahi, Chaahne ki Adat hai
Kya karein k Hamein Dusrey ki Adat hai
Tuu apne Sheesha-Gari ka na ker Hunar Zaya
Mai Aaina hoon, Mujhe Tootne ki Adat hai
Wisaal mai b wohi Faasley Sarab k hain
Ke Usko Neend, Mujh ko Rat-Jage ki Adat hai
Tera Naseeb hai Ae Dil Sada ki Mehroomi!!
Na Wo Sakhi hai, na Tujhe Maangne ki Adat hai
Ye Khood-Aziyati kab tak "FARAZ"
Tu b use na ker Yaad, Jise Bhoolne ki Adat hai **
Masoom si Mohabbat ka
**Masoom si Mohabbat ka bus itna sa Fasana hai
Kagaz ki Haweli hai, Baarish ka Zamaana hai
Kya Shart-e-Mohabbat hai, kya Shart-e-Zamana hai
Aawaz bhi Zakhmi hai aur wo Geet bhi gana hai
Uss paar utrne ki Umeed boht kam hai
Kashti bhi Puraani hai, Toofaan bhi aana hai
Samajhe ya na samjhe wo Andaaz-e-Mohabbat ka
Ek khaas ko Aankhon se ek sher sunaana hai
Bholi si ada, koi phir Ishq ki Zid per hai
Phir Aag ka Darya hai.. Aur Doob ke jana hai**
cherey perhta, aankhain likhta rehta hoon
cherey perhta, aankhain likhta rehta hoon
main bhi kaise batain likhta rehta hoon ?
saray jism darakhtoon jaise lagtay hain
aur bahoon ko shakhain likhta rehta hoon
tujh ko khat likhnay ke taiwar bhool gia
aarhi tirchi satrain likhta rehta hoon
tere hijr main aur mujhe kia kerna hai
tere naam kitabain likhta rehta hoon
tujh se mill ker saray dukh dohraoon ga
hijr ki sari batain likhta rehta hoon
sookhay phool, kitabain, zakham judai ke
teri sab soghatain likhta rehta hoon
us ki bheegi palkain hansti rehti hain
MOHSIN jab tuk ghazlain likhta rehta hoon
( MOHSIN NAQVI)
faqat usse Bhoolane Ko..........
Buhat Si Kitabein
Buhat Si CDs Aur Cassetes
Buhat Si Betuki Oppointments
Doston se Phone Par Lambi Taweel Guftagu
Yah Phir Uljhi Rahon Par Chalte
Yonhi Waqat Bitana
Be Simat Raston Par Bewajah Khaak Urana
Yah Phir Net Ke Uljhawon Mein
Be Tarah Khud Ko Uljhana
Baat Be Baat Hansne Ke Bahanay
Buhat Hain Khush
Duniya Ko Dikhane Ko
Kitne Bahane Dhoondta Hai Dil
faqat usse Bhoolane Ko..........
Re: Tumheen Jub Milaen Kabhi Fursataen
nice collection.. :)
Re: Tumheen Jub Milaen Kabhi Fursataen
hmmm Beautiful collection.
Re: Tumheen Jub Milaen Kabhi Fursataen
nicee :)