TUMHARI BHEEGTI PALKOON SE MEIN NE BAARHA POOCHA
ke dil ke khail mein kia jeetne wale bhi roote hain
wo jin ki chashm been auron ko roota deikha nahie kerti
bhala kis dil se gham ke taar mein mooti piroote hain
TUMHARI BHEEGTI PALKOON SE MEIN NE BAARHA POOCHA
ke kia manand_e_sheesha patheroon mein baal aate hei
aser angaiz he ab tak mohabbat ka wohi jazbaa
jo aise hoshmandoo ko bhi youn pagal banata hei
TUMHARI BHEEGTI PALKOON SE MEIN NE BAARHA POOCHA
mizaaj e husn mein ye yak ba yak kia inkelaab aaya
sitara deikhna aur deikh ker afsurda ho janaa
bari takheer se tum ko sitaron ka hisaab ayaa
TUMHARI BHEEGTI PALKON SE MEIN NE BAARHA POOCHA
ke tark_e_rabt pe kia mujh se wehshi yaad aate hain
taluq toorna asaan tha to aankh kiyoun num hee
ana perwer jafa peisha bhi youn ansoo bahate hain
TUMHARI BHEEGTI PALKOON SE MEIN NE BAARHA POOCHA
ke jalne aur jalane mein bhala kia lutf aata hee
bas aik jhooti ana ke waaste barbaad ho janaa
khudi ke zooam mein insaan kitne dukh uthata hei