tumhare saath kati kuch to hau umr phir bhi

Jaan_Lewaa · January 12, 2003, 2:07am

tumhare saath kati kuch to hau umr phir bhi
kisi ka yuN to hua kaun umr bhar phir bhi

tumhare zakhm ko hum ne chupa ke rakkha tha
zamaane bhar ko hai iski magar khaber phir bhi

hazaar TukDe karo tum zameen ke logo
miTa na paoge ulfath ki rehguzar phir bhi

mila ke phair li tum ne nazar,magar ye nazar
tumhare yek karam ki hai muntazar phir bhi

ajeeb bekali meiN raat din ye kaTte haiN
khushi hai chaen hai par kuch to hai kasar phir bhi

tamaam umr masaeb ka bojh dho ke shakeel
hai khush naseeb tu saalim hai ye kamar phir bhi

Azad · January 12, 2003, 5:52am

jaan lewaa intekhaab hay :k:

SunnyBoy · January 12, 2003, 5:58am

Buhat Khoob :k:

arifnawaz1 · January 12, 2003, 6:00pm

:k::k::k:
Keep it up JL Bro

Jaan_Lewaa · January 12, 2003, 8:51pm

thanx guyz

ghazal_kisi_ke · January 12, 2003, 9:21pm

Re: tumhare saath kati kuch to hau umr phir bhi

wah je wah:k::k::k:
thanks for sharing:)

Jaan_Lewaa · January 12, 2003, 9:23pm

thanx gkk