Aik Ghazal,
Dukho’n Ki Shiddatain Zakhmo’n Ki Gehrai Mujhe De Do
Maseeha Tum Sahi Izn-e-Maseehai Mujhay De Do
Tum Apni Zaat Main Khud Anjuman Ho Tum Ko Kya Gham Hai
Main Tanha Hoon Yeh Bazm-e-Zoq-e-Tanhai Mujhe De Do
Tum Apne Dil Ke Darwazay Muqaffal Shauq Se Ker Lo
Bus Apni Zaat Se Izn-e-Shanasai Mujhe De Do
Tumharay Baad Her Manzar Mujhe Be-Rung Lagta Hai
Ye Aankhain Chheen Lo, Ye Apni Beenaii Mujhe De Do
Main Saanso’n Main Samo’ Loon Ga Tumhari Her Amaanat Ko
Ye Wehshat-Naak Sanna’tay Ye Tanhai Mujhe De Do
Meri Shohrat Tumharay Kaam Aa Jaye To Haazir Hai
Tumhain Dunya Ne Bakhshi Hai Jo Ruswai Mujhe De Do
Main Shaa’ir Hoon Meray Be-Kaif Be-Taseer Lafzo’n Ko
Amar Ker Do Tum Apne Ghum Ki Ra’nai Mujhe De Do
Umeed Hai Aap Logon Ko Pasand Aye Gi..
Regards,
