Tumhaari bheegti palkon se

Chiraag · June 9, 2003, 2:22pm

*Tumhaari bheegti palkon se maiN ne baarha poocha keh dil khel meiN kya jeetne wale bhi rote haiN woh jin ki chashm-e-khud-beeN auroN ko dekha nahi karti bhala kis dil se gham ke moti pirote haiN

Tumhaari bheegti palkon se maiN ne baarha poocha
keh kya maanind-e-sheesha paththaroN meiN baal aata hai
asar aNgez hai ab tak mohabbat ka wohi jazba
jo aise hosh-mandoN ko bhi yuN paagal banaata hai

Tumhaari bheegti palkon se maiN ne baarha poocha
mizaaj-e-husan meiN yuN yak-b-yak kya inqalaab aaya
sitaara dekhna aur dekh kar afsurda ho jaana
baDi taakheer se tum ko sitaaroN ka hisaab aaya

Tumhaari bheegti palkon se maiN ne baarha poocha
keh tark-e-rabt pe kya mujh se waihshi yaad aate haiN
taa-alluq toDna aasaan tha to aaNkh kyuN nam hai
anaa-parwar jafa-pesha bhi yuN aasuN bahate haiN

Tumhaari bheegti palkon se maiN ne baarha poocha
keh jalne aur jalaane meiN bhala kya lutf aata hai
bas ek jhooti anaa ke waaste barbaad ho jaan
khudi ke zaa-um meiN insaaN kitne dukh uThaata hai

Tumhaari bheegti palkon se maiN ne baarha poocha*

baziger · June 9, 2003, 5:33pm

wah.. bhut he khoob

Koyal · June 9, 2003, 5:35pm

nice to read again abhi pechaly dino Nikami ne be post ki thei but it's worth reading again and again..:)

HeArT_HaCKeR · June 9, 2003, 5:50pm

:k: beautiful

system · June 9, 2003, 6:05pm

zabardast :k::k:

BrokenSky · June 9, 2003, 10:30pm

Zabardast:k:..
…

Azad · June 9, 2003, 11:19pm

baDi taakheer se tum ko sitaaroN ka hisaab aaya

Wah

cuteepie · June 10, 2003, 1:37am

buhet khoob:flower1:

Chiraag · June 10, 2003, 6:20am

shukriya bahut bahut ap sab ka

Golden_Scorpion · June 10, 2003, 7:34am

Wah.. Zabardast :biggthumb

GS maiN khush Aamadeed :)