tumheiN bhoolane chala hooN maiN, apnii yaadoN ko rok lo
jinheiN soNch ke bhii dil ro paDe, oon sawaaloN ko rok lo
lo main jaa raha sab chhoD ke, ab to mujh par raham karo
ye meri aankhoN meiN jal rahe, TuTe khwaaboN ko rok lo
sab hamaare vash mein nahin, main jaanta hoon ye magar
kisi kaa dil TuTe jise karne se , aisey gunaahoN ko rok lo
ye chaman meri wafaa ka hai, ese mousamoN kii khu nahiN
jo waqt kaa rahe muntazir, oon bahaaroN ko rok lo
khata e masiha nahin hai ye, mera azaar hii kuchh aur hai
mujhe jeene kii jara nahiN aarzoo, apnii duaaoN ko roko lo
jaane kaisii bhaarii raat thii, kal chaand bhi naashaad tha
ibtidaa e aitbaar hi pe TuT jaaye, oon waadoN ko rok lo
tum apne sitam na kam karo, mujhe rakhne haiN zakhm hare abhee
esmeiN taaseer e marham hai, apne dar kii hawaaoN ko rok lo
