**jab nahin aae the tum, tabb bhi tum aae the
aankh mein noor ki or dil mein lahoo ki soorat
yaad ki tarha dhadakte hoe dil ki soorat
tum nahin aae abhi phir bhi tu tum aae ho
raat ke seene mein mehtaab ke khanjar ki tarha
subh ke haath mein khurseed ke saghar ki tarha
aao aane ki karain baat ke tum aae ho
aab tum aae ho tu mein kon si shay nazar karoon
ke mere pass siwa mehr.o.wafa ke kuch bhi naheen
aik dil aik tamana ke siwa kuch bhi naheen
tum nahiN aaoge jab, phir bhi tu tum aaoge
zulf dar zulf bikhar jae ga phir raat ka rang
shab-e-tanhaai meN bhi lootain mulaqaat ka rang
**
Mujhe bass itna kehna hai, kabhi main yaad aoon to
Kabhi tanhayee ki raatain, tumhai zyada satayen to
Kabhi titli na bole to, aur jugnu lot jaye to
Kabhi jab dil bhi bhar jaye, Koi jab sun na paye to
Kabhi sab dost saathi bhi jo tum se rooth jayen to
Kabhi jab khud se lad ker thakan se chur ho jao to
Kabhi chahte huwe bhi khud akele roo na pao to
Apni aankhon ko band kerna mujhe awaz de dena
Phir mere tasawwur se jo chahai baatain keh dena
Mere kandhe per sir rakh ker tum jitna chahe ro lena
Jab main khud lout jaon to apni dunya chale jana
Magar bass itna kehna hai
Ke jab bhi dukh ya khusyoon main
Humain dil se pukaro ge
Humain tum saath pao ge
