duniya ka kuch bura bhi tamasha nahi raha
dil chahta tha jis tarha waisa nahi raha
**tum say milay bhi hum to judaiee k morr par
kashti hoiee naseeb tu dariya nahi raha
kehtay thay ek pal na jiyeen gay teray baghair
hum dono reh gayey hain woh wada nahi raha**
katay hain iss tarha say teray baad rooz_o_shub
main saans lay raha tha par zinda nahi raha
aankhen bhi dekh dekh ke khwab aagai hain tang
dil main bhi ab wo shoq, wo lapka nahi raha
kaisay milaeen aankh, kisi aaine se hum
amjad hamaray paas tu chehra nahi raha