tum poocho aur main na bataoo aisay to halaat nahin
ik zara sa dil toota hai aur to koi baat nahin
kiss ko khabar thi sanwale badal bin barsay urr jate hein
sawan aya laiken apni qismat mein barsat nahin
mana jevan mein aurat ik bar mohabat kerti hai
laiken mujh ko yeh to bata de kiya too aurat zaat nahin
khatam hoaa mera afsana ab yeh ansoo poonch lo
jiss mein koi tara chamkay ajj ki raat woh raat nahin
mere ghumgeen hone per ahbaab hein yoon hairan qateel
jaise main pather hoon mere seenay mein jazbat nahin
poet(qateel shifai)