Shahar ke dukaandaroN, kaar-o-bar-e-ulfat meiN
Sood kya ziyaaN kya hey, tum na jaan paaogey
dil ke daam kitney heiN kHwaab kitney mahengey heiN
aor naqd-e-jaaN kya hey tum na jaan paogey
Koyi kaisey milta hey, phool kaisey khilta hey
aankh kaisey jukhti hey saans kaisey rukti hey
kaisey reh nikalti hey kaisey baat chalti hey
Shauq ki zabaaN kya hey tum na jaan paogey
vasl ka sukooN kya hey, hijr ka junooN kya hey
husn ka fasooN kya hey ishq ka durooN kya hey
tum mareez-e-danaii maslahat ke shedaaii
rah-e-gumrah kya hey tum na jaan paogey
zakHm kaisey phaltey heiN daagH kaisey jaltey heiN
dard kaisey hota hey, koi kaisey rota hey
ashq kya hey naaley kya dasht kya hey chaaley kya
aah kya fugHaaN kya hey tum na jaan paogey
Na-murad dil kaisey subh-o-shaam kartey heiN
kaisey zinda rehtey heiN aor kaisey martey heiN
tumko kab nazar aayi gHamzadoN ki tanhaaii
zeest be-amaaN kya hey tum na jaan paogey
Jaanta hooN meiN tumko zauq-e-shaiiri bhi hey
shakHsiyat sajaaney mein ik yeh mahiri bhi hey
phir bhi harf chuntey ho sirf lafz suntey ho
inkey darmiyaaN kya hey tum na jaan paogey…
…
My best friend is my tears
as they never leave me alone !!!
…