salaam ppl, this was sent to me, dunno whos it by, but its really touching, isnt it:)
tum meri aankh ke tewar na bhula pao ge
unkahi baat ko samjhoge to yaad aoonga
hum ne khushioyn ki tarha dukh bhi ikathey dekhay
safha-i-zeest ko palto ge to yaad aoonga
iss judai main tum andar se bikhar jao ge
kisii maazoor ko dekho ge to yaad aoonga
meri khushboo khalay gi tumhain gulaabon ki tarha
tum agar khud se na bolo ge to yaad aoonga
sard raaton ke mahektey huwe sanaaton main
jab kissi phool ko choomo ge to yaad aoonga
aaj to ho mehfil-e-yaaran pe maghroor bahut
jab kabhi toot ke bikhroge to yaad aoonga
ab to yeh ashk to main honton se churaa letaa hoon
haath se khud inhain pooncho ge to yaad aoonga
shaal pehnaaye ga ab kon tumhain decenber main
baarishon main kabhi bheego ge to yaad aoonga
haadsey aainge jeewan main to tum ho keh nidhaal
kissi deewar ko thaamo ge to yaad aoonga
iss main shaamil hai mere bakht ki taariki bhi
tum siyaah rang pehnoge to yaad aoonga