*Hijar ki pehli shaam ke saaye door ufaq tak chaye thay
Hum jab us ke shehar se niklay sab rastay saanwlay thay
Jane woh kya soch raha thaa apne dil mein saari raat
Pyar ki baatain karte karte uske nain bhar aaye thay
Us ne kitne pyar se apna kufr diya nazraane mein
Hum apne emaan ka sauda jis se karne aaye thay
Kaise jaati mere badan se beetay lamhoon ki khushboo
Khwaboon ki us basti mein kuch phool mere hamsaaye thay
Kaisa pyara manzar tha jab dekh ke apne saathi ko
Pairr pe bethi ek chireya ne apne par phailaaye thay
Rukhsat ke din bheegi aankhoon us ka woh kehna haye 'Qateel'
Tum ko laut hi jaana thaa tu is nagri kyon aaye thay...*
bahut khoob!thanks 4 sharing!
good1
TajMahal Thanks a lot :)
UncleSargam thanks and welcome :)
beautiful...
thanks for sharing Amarbail...