Shiddat-e-dard ney mehroom kiya lafzon sey hamein..
hale-e-dil tum ko sunaaein tu sunaye kaise…
Dil mein chupa rakhi hai tasweer teri
kaho dil ko jalaaein to jalaaein kaise…
Aankhon mein ubharta jaaye aks tera
sehmey huye ashkon ko bahaaein to bahaaein kaise…
Beyhis duniya ka darr liye baithe ho dil mein
tumhein apna banaaein to banaaein kaise…
Alaam-e-tanhai mein dharkanein bhi pukaare tumhe
dil-e-nadan ko behlaein to behlaein kaise…
Mumkin hey ab na naseeb ho rafaqat teri
k beetey hoye lamhon ko bhulayein to bhulayein kaise…
Beywafa bhi nhi, beyhis bhi nhai, humdum mera
tujhey harjayee bulaein to bulaein kaise…
Hum to thamey hoye they kab sey in ashkoon ko dilbar
chashm-e-num tum sey chupayein tu chupayein kaise…
Rah-e-mohabbat mein humsafar sirf tum ho mere
hum tanha qadam barhaayein to barhaayein kaise…
