Tum kia jano!!!

Arts & Culture Poetry ( Intikhaab & Sho'ra-e-Gupshup)
1

Tum naghma-e-Mah-o-Anjum ho, Tum sooz-e-tamana kia jano
Tum dard-e-Mohabbat kia samjho, Tum dil ka tarapna kia jano..!

Kab dard barha, Kab hook uthi, KyoN ashk baha, KyoN aah khichii
Tum gumm ho baharooN maiN apni, Tum ghum ka fasana kia jano..!

Ek Mooj-e-tabassum hotoN par, Ek naghma-e-rangii aankhon maiN
Tum raks-e-suraiya kia samjho, Tum burbut-e-Zohra kia jano..!

Tum rooth gaey jab jab hum say, Hum Tum ko mana hi laitay they
Ek baar agar hum rooth gaey, Tum hum ko manana kia jano..!

Takhreeb-e-mohabbat aasan hai, Tameer-e-mohabbat mushkil hai
Tum aag lagana seekh gaey, Tum aag bujhaana kia jano..!

Tum door kharDey dekha hi kiye or doobney wala doob gya
Sahil hi ko tum manzil samjhay, Tum lazat-e-darya kia jano..!

Tum husn-e-sarapa apni jaga, Or husn-e-sarapa khuddari
“Nayaab” ka gham tum kia samjho, Or us ka dilaasa kia jano..!!!

2

Re: Tum kia jano!!!

[QUOTE]
*Originally posted by Nayab: *
Tum naghma-e-Mah-o-Anjum ho, Tum sooz-e-tamana kia jano
Tum dard-e-Mohabbat kia samjho, Tum dil ka tarapna kia jano..!

Kab dard barha, Kab hook uthi, KyoN ashk baha, KyoN aah khichii
Tum gumm ho baharooN maiN apni, Tum ghum ka fasana kia jano..!

Takhreeb-e-mohabbat aasan hai, Tameer-e-mohabbat mushkil hai
Tum aag lagana seekh gaey, Tum aag bujhaana kia jano..!

Tum door kharDey dekha hi kiye or doobney wala doob gya
Sahil hi ko tum manzil samjhay, Tum lazat-e-darya kia jano..!

[/QUOTE]

Best by Iqbal Azeem, Thanks for sharing Nayaab :-)

3

Tum door kharDey dekha hi kiye or doobney wala doob gya
Sahil hi ko tum manzil samjhay, Tum lazat-e-darya kia jano..!

:k:

4

Re: Tum kia jano!!!

zabardast choice :k:

5

Tum rooth gaey jab jab hum say, Hum Tum ko mana hi laitay they
Ek baar agar hum rooth gaey, Tum hum ko manana kia jano..!

waaah....