Tum Gheron Se Hans Hans Ke Mulaqaat Karo Ho..

Arts & Culture Poetry ( Intikhaab & Sho'ra-e-Gupshup)
1

Aik Buhat Khoobsurat Ghazal..

Tum Gheron Se Hans Hans Ke Mulaqaat Karo Ho
Aur Hum Se Wohi Zeher Bhari Baat Karo Ho

Bach Bach Ke Guzar Jao Ho Tum Paas Se Meray
Tum To Ba-Khuda Gheron Ko Bhi Maat Karo Ho

Nishtar Sa Utar Jaway Hain Seenay Main Hamaray
Jab Maathay Pe Bal Daal Ke Tum Baat Karo Ho

Taqway Bhi Behek Jaway Hain Mehfil Main Tumhari
Tum Apni Inn Aankhon Se Karamaat Karo Ho

Phoolon Ki Mehek Aaway Hain Saanson Se Tumhari
Moti Se Bikhar Jawain Hain Jab Baat Karo Ho

Hum Gheron Ke Agay Tumhain Kia Haal Bata Dain
Paas Akay Suno Duur Se Kia Baat Karo Ho

Kia Keh Ke Pukarain Ge Tumhain Log, Ye Socho
Iqbal Pe Tum Zulm To Din Raat Karo Ho

Umeed Hai Aap Logon Ko Pasand Aye Gi..

Regards,

2

Re: Tum Gheron Se Hans Hans Ke Mulaqaat Karo Ho..

bohat khoob Ahmer per karo ho samjh nahi aya kya ye he right word hai?

3

Re: Tum Gheron Se Hans Hans Ke Mulaqaat Karo Ho..

iss ghazal me issi tarah bayan kia gay ahai
aur wese karo ho kisi language me hai
but mujhay yaad nahi k kiss main

4

Re: Tum Gheron Se Hans Hans Ke Mulaqaat Karo Ho..

Thank You Tehreem.. umm.. Karo Ho.. Shayad Yeh Style Kisi Indian Language Se Aya Hai.. Em Not Sure About Ke Konsi Language.. :)

Need Help To Elope !!!!!!!
5

Re: Tum Gheron Se Hans Hans Ke Mulaqaat Karo Ho..

ok i like it acha hai kuch change saa hona chaheye

6

Re: Tum Gheron Se Hans Hans Ke Mulaqaat Karo Ho..

Jee Bilkul.. Shayad Iss Ghazal Ki Khoobsurti 'Karo Ho' Se Buhat Barh Gai Hai..