**Tum es dard say guzray ho Na?
wo rut jis mein jal jati hain Aankhien
tum Par Bhi guzrii hai
wo Shab jo Mahtab say Tapkay
Aansoo Aansoo Shabnam Shabnam
wo Shab mujh par bhi utri hai
wo Din wo Ghariyan So jaien
Lamhay Pathar Kay ho jaien
wo Din tum Nay Bhi Kata hai
wo Din Main Nay Bhi Kata hai
dono Kay Jismon Mein roohon Mein
Yaksaan dukh Ka Sanata
Phir kyon mujh say Poochtay ho tum
Meri Palkien kyon Purnum hain
Aakhir mujh Ko kon say gham hain
tum es dard say guzray ho na ?**
