~~~Tum bhool gaye ho ab shayad~~~

Arts & Culture Poetry ( Intikhaab & Sho'ra-e-Gupshup)
1

**

woh din jo sang guzaray theey, tum bhool gaye ho ab shayad
jab jagtay chand sitaray theey, tum bhool gaye ho ab shayad

woh panchi jo hum dono ki chahat ke naghmay gaatay theey
woh panchi kitnay piyaray theey, tum bhool gaye ho ab shayad

duniya ke ghamoon say door kahin, chota sa gharonda bana’ain gey
kuch aisay khuwaab humaray theey, tum bhool gaye ho ab shayad

tum jaan ho so bardasht kiya, warna to jigar ke paar huye
kuch aisay lafz tumharay theey, tum bhool gaye ho ab shayad

jab ro ro kar meray aagay tum ne daman phailaya tha
aur mere ishq ke maray theey, tum bhool gaye ho ab shayad

ab dushman-e-jaan tum kehtay ho un logon ko aye jan-e-jaan
jo kal tak jaan say piyaray theey, tum bhool gaye ho ab shayad

Meray saath nibhanay kay jo waday jaan tumharay theey
mujhe yaad hain woh jo saray theey, tum bhool gaye ho ab shayad

**

2

Re: ~~~Tum bhool gaye ho ab shayad~~~

*
[QUOTE]
***ab dushman-e-jaan tum kehtay ho un logon ko aye jan-e-jaan
jo kal tak jaan say piyaray theey, tum bhool gaye ho ab shayad*

[/QUOTE]
*

Very Nice
*Bohat khoooooob *

sweet.i.f
3

Re: ~Tum bhool gaye ho ab shayad~

Excellent Lamhay …:k:

4

Re: ~~~Tum bhool gaye ho ab shayad~~~

Beautiful... Tnx :)

5

Re: ~~~Tum bhool gaye ho ab shayad~~~

zabardast :)

6

Re: ~~~Tum bhool gaye ho ab shayad~~~

haan shayad

7

Re: ~~~Tum bhool gaye ho ab shayad~~~

Very nice

8

Re: ~~~Tum bhool gaye ho ab shayad~~~

Bhool jana gar mumkin hota tu kya tumhein bhula detay ...

Mein kuch bhi nahe bhoola hoon Lamhay ... waise kya aap bhool gaeen hain :D

btw...
Excellent ghazal and thanks for sharing ... :)

9

Re: ~~~Tum bhool gaye ho ab shayad~~~

duniya ke ghamoon say door kahin, chota sa gharonda bana'ain gey
kuch aisay khuwaab humaray theey, tum bhool gaye ho ab shayad

bahot khoob.......** Lamhay ** g