Dekhay thay khwab tumhare zaroor magar ay hamdam suno zara
Tum aik jurm ke wastay mujhe bar bar saza na do
Jo dil ka meet ek bar banay woh dil ke paas hi raha karay
Jissay faasiloon se khwaf ho ussay door ja ke sada na do
Koi hamsafar gar raah mein bhalay manzil apni badal bhi lay
Tu dil se usko bhulaoo mat nazar se us ko gira na do
Jo azeez rakhay tumhein jaan se ussay berukhi se thukrao mat
Koi khwab bunay gar pyar se tu khaak mein ussay mila na do
Koi paas aye tu milo ussay koi dil ki kahay tu suno ussay
Gar iqraar karay koi pyar ka tu hansi mein us ko uraa na do
Waqt ke hathoon har kar jo phir raha ho dar-ba-dar
Jissay justujoo ho maut ki ussay zindagi ki dua na do …